Kisay Pukaarein Hum Is Hujoom-e-Gham Mein
Ke Sub Hi Hamaray Aazamaye Huey Hain

Tum Hi Ne Hamein Kar Diya Tanha
Warna Hum To Ta’alluq Nibhaey Huay Hain

Dheemay Dheemay Aansoo Dil Se Girtay
Ke Hum Apna Gham Sub Se Chupaey Huay Hain

Un Shaano Tak Ab Rasaai Na Rahi
Jin Shano Pe Aansoo Bahaye Huay Hain

Hum Karein Ab Kisi Per Kaisay Bharosa
Ke Zamane Se Dhokay Khaaey Huay Hain

Khushion Se Bhi Ab To Lagta Hay Dar
Is Qadar Zakham Hum Ne Khaye Huay Hain

Ab Dast-e-Shanasai Na BaRhayein Gay Hum
Ke Zamane Bhar Se Thukraye Huey Hain…