Sun 5 Apr 2009
Haqiqaton k kareeb aane k baad,
Samjhe mohabbat ko Dil lagane k baad,
Mujhe apna nahi hai dukh uska hai!
K kon chahe ga itna usey mere jane k baad……?
Aankhon ko intazar ki aadat si ho gai,
Yun he Khayal-e-Yaar ki aadat si ho gai,
Aur doosra koi mily bhi to dil dil manta he nahi,
Humko tere pyaar ki aadat si ho gai.
Tumharay bin nahi rehna, Mujhe Tumse Muhabbat Hai,
Hai tumse bas yehi kehna, Mujhe Tumse Muhabbat Hai,
Zaban to keh nahi sakti, Tumhain Ehsaas to hoga,
Meri aankhon ko parh lena, Mujhe Tumse Muhabbat Hai,
Tumharay naam kardi hai, Ye puri Zindagi apni,
Bhalay he dukh paray sehna, Mujhe Tumse Muhabbat Hai,
Humhain Ehsaas hai tumko bhi humse pyar hai lekin…
Ye meray saamnay kehna, Mujhe Tumse Muhabbat Hai.
Mil k bhi na mil sake,
To juda ho kar kya alag ho payenge
Mana har khushi mil sakti hai humein,
Is zamane se par kye is khushi ko dil
se mehsus kar payenge……
Mein ne Tume Apni wafaon ki zanjeer se Azaad kya
Khudara!
Ye mat puchna k Mein ne khud ko
Tumhari qaid se Azaad kia ya nahi
Yaqeen Jano!
Mein un qediyon mein se hun
Jo khulay darwazay dekh kar bhi
Farar nahi hotey…!!
“Kash”
Sapnay Haqqiqat Hotay
Me har Sapnay Me Tujhe Dehka Kerta
“Kash”
Zindgi Me Har Dua Me Pori hoti
Me Har Dua Me Tujhay Manga Kerta
“Kash”
Zindgi Wafadar Hoti
Me Sari Zindgi Tera Sath Nibhata
“Kash”
Zindgi Me Lafz
“Kash”
Na Hota…..
Kaho,
Woh dasht kaisa tha?
Jidhar sub kuch luta aaye
Jidhar aankhain ganwa aaye
Kaha,
Sailab jaisa tha,
bohot chaha keh bach niklain
magar sub kuch baaha aaye
Kaho,
Woh hijer kaisa tha?
Kabhi choo ker usay dekha
To tum nay kia bhala paya
Kaha,
Bus aag Jaisa tha.
Suno!
Koi bhi Roug de dena
Koi bhi Naam de dena
Nahi Subah sohani to
Ghamo ki Shaam de dena
Magr itni Guzaarish he
Meri Taarik Raton se
Tum apni Chahton ki lo,
Kabhi Madham nhe krna
Faqat Ehsaan ye krna
Muhabbt km nhe krna.
Hum ko pyar itna do k had na rahe,
Magar aitbar b itna karna k shak na rahe,
Wafa itni karna k bewafai na ho,
Aur dua bus itni karna ka kabhi judai na ho..
Aap to manzil ko mushkil samajhte hain,
Hum aap ko manzil samjhte hain,
Bara fark hy aap k or hamare nazarye me,
Aap hame Sapna or hum aap ko Apna samajhte hain.
Mohabbaton Main Shumar Kaisa?
Yaqeen Kaisa?
Guman Kaisa?
Urooj Kaisa?
Zawal Kaisa?
Sawal Kaisa?
Jawab Kaisa?
Mohabbatain To Mohabbatain Hain,
Mohabbaton Main Hisab Kaisa?
