Hindi SMS – Dil Ki Baat, Shayarana Andaz!

Fir Kabhi…

Aaj hi samjhaaya hai maine dil ko
Ke bhool jaaye tumhe
Aa jaao mere khwaabon mein tum fir kabhi

Milna nahin mujhe tumse
Yeh aaj hi taih kiya hai
Mil lena tum mujhe fir kabhi

Aaj hi teri yaadon ko nikaala hai dil se
Socha bhulaa doongi tumhe hamesha ke liye
Aa jaana tum mujhe yaad fir kabhi

Raatbhar rotee rahi tere gam mein
Aaj hi aansoo sukh gaye aankhon ke
Tum fir se roolaa dena mujhe fir kabhi

Apne jazbaaton ko sambhaala hai maine
Aaj hi badi mushkil se
Inn jazbaaton ko ab mehsoos nahin karna mujhe
Iinke saath tum khel lena fir kabhi

Jaao tum,
Akela chod do mujhe
Aaj hi tanha jeene ki aadath lagi hai
Meri iss aadath ko tum bigaad dena fir kabhi ..

Barsaat…

bheeg jati hai palke tanhai mein..
darte hai ki yeh koi jaan na le.
pasand karte hain tez barsaat mein chalna,
kahin rote hue koi pehchaan na ley …

Aage Nikal aaye hain aab,
Hum bhi Tum bhi,
Par rahgaya hain yadoon me
Vo chera dhundhala sa,

Har dost vahi hain,
Har pal hain taza
Har baat hain yaad hamen
Vo ghav bhi hain aab kuch bhara sa

Bahot samjaya tha iss dil ko
Mana hee nahin ye diwana
Le he aaya hain ye aakhon me
Thoda sa pani aur dard jara sa …

Tanhaa Chod Jaatey Hoh …

Kudrat ke karishmey mein gar raat nah hoti,
Khwabon mein bhi unsey mulaqaat nah hoti,
Yeh dil toh har ek gum ki wajah hai,
Yeh dil nah hota toh koi baat nah hoti.

Shikayat nah karta zamaane sey koi,
Agar maan jaata mananey sey koi,
Kissi koh phir yaad na karta koi,
Agar bhool jaate bhoolane sey koi.

Ek pal ehsaas ban key aate hoh,
Aur doosre pal khwaab ban ke udd jaatey hoh,
Yeh maloom hai ki tanhai sey darr hai humey,
Phir bhi baar baar tanha chod jaatey hoh….

Is raat ki subah kabhi toh hogi
Dil main hai yeh aas jagi
Hamari bhi kismat ka chamkega sitara
Badalelose nikelega suraj sunhera

Is raat ki subah kabhi toh hogi
Dil main hai yeh aas jagi
Patzhad ka yeh mausam beet jayenga
Hamara aangan bhi phoolo se mehkenga

Is raat ki subah kabhi toh hogi
Dil main hai yeh aas jagi
Sune se mere ghar main bhi
Bachhoki kilkariya shor machayengi

Is raat ki subah kabhi toh hogi
Dil main hai yeh aas jagi…