Tu chala gaya ghar se mere
Ghar soona soona lagta hai
Wo baahar wala bada gate
Awaaze deta rehta hai

Hai darwaza chupchap khada
Teri baat ko joha karta hai
Ye paanvdaan bejaan pada
Tere pair ko tarsa karta hai

Baithak khaali kamre udaas
Teri chehel ko hardam rote hain
Ye guldasta veeran pada
Tere phool ko dhoonda karta hai

In diwaron k chatak rang
Ab fike fike lagte hain
Bistar lihaaf chaadar takiya
Teri zumbish socha karta hai

Pardon ki raunak chali gayi
Khidki se hawa na aati hai
Kone wala kaala sofa
Teri yaad nihara karta hai

Ab aa jaao vaapas ghar me
Na door raho mujhse priyatam
Ye ghar hi nahi tujhko khokar
Mera man bhi ghar sa rehta hai

Regards
Ashutosh Sharma
S.E. Indore

Related Posts with Thumbnails