Aadaab Dosto,

Ek arse ke baad kuchh post kar raha hu. Ummeed hai aapko pasand aayega.

Aaj mai aapko ek taaza-tareen sher pesh karne ja raha hu jise maine abhi
kuchh dino pahle hi likha hai. Us din is mausam ki pahli barish ho rahi
thi. Aise me dil me kuchh puraani yaade taaza hui. Kuchh soye hue dard
jinhe dil ne badi koshisho ke baad bhula diya tha, wo phir se jaag gaye.
Aise me bhala mere andar ka shayar kaise chup rah sakta tha.

Arz kiya hai-

Aye Beraham, Teri Iss Bewajah Aazmaaish Me
Kahi Mar Na Jaau Tujhko Paane Ki Khwahish Me
Chand Bundo Ke Liye Na Tarsa Apne ‘Arsh’ Ko
Teri Muhabbat Ki Musalasal Si Baarish Me

Dosto, gaur kijiyega, is sher ki khubsurati ye hai, ki ye sher apne
mehboob ke liye bhi kaha ja sakta hai aur khuda ke liye bhi! Ise baare
me aur padhne ke liye ya isi sher ko hindi me padhne ke liye kripaya
mere blog ko visit kare.

-Yogesh ‘Arsh’

Related Posts with Thumbnails