Kis tarah rokta hon ashk apne,
kis tarah dil pe jabr karta hon,
aaj bhik karzar e hasti main,
jab tere sheher se guzarta hon,
Is qadar bhi nahen mujhay maloom,
kis mohallay main hai makan tera,
jane kin wadiyon main utra hai,
paikar e husn karwan tera,
kis se pooochon ga main khabar teri,
kon batlaye ga nishan tera,
Teri rusawion se darta hon,
Jab tere sheher se guzarta hon,

Tu rahi muddaton kareeb mere,
Kuch teri azmaton ka dar bhi tha,
kuch khayalat thay ajeeb mere,
Akhir e kar woh ghari aai,
tu mujhay chor kar chali bhi gai,
ab main kyon tujhko yaar karta hon
jab tere sheher se guzarta hon,
Go zamana teri mohabbat ka,
aik bhooli hui kahani hai,
tere koochay main umr bhar na gae,
sari duniya ki khaak chani hai,
kis tamanna se tujhko chaha hai
kis mohabbat se haar mani hai
apni kismat pe naaz karta hon,
jab tere sheher se guzarta hon,

Related Posts with Thumbnails