Socho koi pagli thi
Albeli, anjaani deewaanisi…
Ek pagli thi aur uski ek kahaani thi
Paglapan hi jisse kho diya usne
Ek aisi roti hui si kahaani thi

Barish ki us raat ki kahaani thi
Jahan barish na sirf aasmaani thi
Ek pagli aur uske toote dil ki
Ek roti hui si kahaani thi

Ek zindagi si kahaani thi
Bahut kuch paakar kho diya
Ek jaani hui phir bhi anjaani kahaani thi
Haan yeh pagli ki uske khoye hue paglepan ki
Ek roti hui si kahaani thi

Apne aaj ko badalti hui
Phir bhi ateet ki kahaani thi
Kuch reh gayaa hain adhoora shaayad
Ek chubhti hui kahaani thi
Kuch dhoond rahi yeh pagli aaj bhi
Shaayad… kuch khoti hui kahaani thi
Kuch dard aaj bhi hain mehsoos karti
Poorani lekin phir bhi aajsi kahaani thi

Socho ek pagli thi
Aur uski ek yehi kahaani thi
Na socha na jaana
Bas ek ehsaas ko le
Kise sab kuch de diya
Haan ek aise paglepan ki
Ek deewani si kahaani thi

Dil ki dil ke jazbaaton ki
Dil ke ehsaason ki kahaani thi
Kisi ko dil na dena apna
Yeh kehti hui
Dil dekar paaya toota hua
Ek tootese se dil ki kahaani thi

Muskan ki Muskaraahat ki
Inki khoti hui kahaani thi
Dil mein jo yekin tha sabpar
Unki khoti hui kahaani thi
Kuch pyar tha kuch dosti thi
Jaane anjaane
Apne begaano ke liye
Inke kho jaane ki kahaani thi
Khud par jo bharosa tha
Uske kho jaane ki kahaani thi

Socho ek pagli thi
Haan uski yehi kahaani thi
Paakar hain ab itna kuch gavaayaa
Kuch pane se darrti hui
Khud ko khoti hui kahaani thi

Socho ek pagli thi
Uski na pagli si ek kahaani thi…..

-Avani
krtu@…

Related Posts with Thumbnails