terii Khushbuu kaa pataa kartii hai
mujh pe ehasaan havaa kartii hai

shab kii tanhaa_ii me.n ab to aksar
guftaguu tujh se rahaa kartii hai

dil ko us raah pe chalnaa hii nahii.n
jo mujhe tujh se judaa kartii hai

zindagii merii thii lekin ab to
tere kahane me.n rahaa kartii hai

us ne dekhaa hii nahii.n varnaa ye aa.Nkh
dil kaa ehavaal kahaa kartii hai

beniyaaz-e-kaaf-e-dariyaa angusht
ret par naam likhaa kartii hai

shaam parte hii kisii shaKhs kii yaad
koochaa-e-jaaN mein sadaa kartii hai

mujh se bhii us kaa hai vaisaa hii suluuk
haal jo teraa ana??? kartii hai

dukh huaa karataa hai kuchh aur bayaa.N
baat kuchh aur huaa kartii hai

abr barase to inaayat us kii
shaaKh to sirf duaa kartii hai

masalaa jab bhii uThaa chiraaGo.n kaa
faisalaa sirf havaa kartii hai

Related Posts with Thumbnails